«Tobyldyń» Konferentsııa lıgasyndaǵy yqtımal qarsylastary anyqtaldy
ASTANA. KAZINFORM - Qostanaılyq «Tobyl» fýtbol klýby eýrokýbok oıyndaryn UEFA Konferentsııa lıgasynyń ekinshi irikteý kezeńinen bastaıdy.
Ótken jylǵy Qazaqstan kýbogynyń ıegeri ekinshi kezeńge tikeleı joldama aldy. Bul - komandanyń reıtıngte jınaǵan koeffıtsıentine baılanysty bolyp otyr. Qostanaılyq klýb 8.000 koeffıtsıentimen «elengender» tizimine endi. Ol klýbqa álsiz qarsylaspen oınaýǵa artyqshylyq beredi.
Qazirgi ýaqytta «Tobyldyń» yqtımal qarsylastary qatarynda «DAK 1904» (Slovakııa), GAIS, «IFK Geteborg» (ekeýi de - Shvetsııa), «Jeleznıchar» (Serbııa), «Koper» (Slovenııa), «Valıýr» (Islandııa), «Oýda» (Latvııa) «Shelbýrn» (Irlandııa) komandalary bar.
Joǵary reıtınginiń nátıjesinde «Tobyl» bul kezeńde «Aıaks» (Nıderland), «Rapıd» (Aýstrııa) jáne «Panatınaıkos» (Grekııa) sekildi tájirıbeli komandalarmen kezdesýden tys qaldy.
Qazirgi ýaqytta «Tobyldyń» yqtımal qarsylastary arasynan shvetsııalyq «IFK Geteborg», GAIS jáne slovakııalyq «DAK 1904» klýbtary qaýipti bolyp otyr. Bul komandalar «Tobylǵa» reıtıngte óte jaqyn tur jáne olar joǵary deńgeıdegi eýropalyq chempıonattarynda oıyn kórsetedi. Al qostanaılyq klýb úshin latvııalyq «Aýda» nemese serbııalyq «Jeleznıchar» qolaıly nusqa retinde baǵalanady.
Eske salsaq, budan buryn Konferentsııa lıgasynda «Astana» jáne «Elimaıdyń» yqtımal qarsylastary anyqtaldy.
