«Tobyl» Konferentsııa lıgasy úshinshi irikteý kezeńine shyqty
ASTANA. KAZINFORM - Fýtboldan UEFA Konferentsııa lıgasynyń ekinshi aınalymynda «Tobyl» (Qostanaı, Qazaqstan) - «Panevejıs» (Lıtva) kezdesýi penaltı serııasynda anyqtaldy.
Eki komanda arasyndaǵy alǵashqy kezdesýde 1:1 esebi tirkeldi. Oıyn barysynda lıtvalyq klýbtan Seıdına Keıta 45-mınýtta mergendik tanytsa, 84-mınýtta «Tobyl» sapynan Nemanıa Tsavnıch baspen gol soǵyp, tarazy basyn teńestirdi.
Búgingi kezdesýde alǵashqy mınýttan bapkerler tómendegi oıynshylarǵa senim bildirdi. Olardyń basym bóligi birinshi kezdesýde de jasyl alańǵa shyqqan edi.
«Tobyl»: Danıl Ýstımenko (Q) – Antonıo Borshıch, Pape Alıýn Ndıaıe, Raıan Senhadjı, Naýryzbek Jagorov – Ashat Taǵybergen (K), Maksım Mıakısh, Mohamed Amın Talal, Aleksandr Zýev, Islam Chesnokov – Ýrosh Mılovanovıch.
«Panevejıs»: Vıtaýtas Chernıaýskas (Q) (K) – Dovıdas Balsıs, Strahınıa Kerkez, Seıdına Keıta, Ernestas Býrdzılaýskas – Isaak Asante, Matas Ramanaýskas, Parfe Bızoza – Naýrıs Petkıavıchıýs, Kvadvo Asamoa, Valdas Paýlaýskas.
Kezdesý barysynda lıtvalyq klýbtan Naýrıs Petkevıchıýs 33-mınýtta esep ashsa, qostanaılyq komandadan Amın Talar 45-mınýtta tarazy basyn teńestirdi.
Ekinshi kezeńde komandalar esepti ózgertýge tyrysty. Degenmen degenine jete alǵan joq.
Osylaısha negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda da jeńimpaz anyqtalǵan joq. Penaltı serııasynda qostanaılyq klýbtyń mereıi ústem boldy.
Qazaqstandyq klýb endi úshinshi irikteý kezeńinde «Partızan» (Serbııa) - «ÝNA Shtrassen» (Lıýksembýrg) jubynyń jeńimpazymen oınaıdy. Birinshi kezdesý 6 tamyzda syrt alańda ótse, qarymta oıyn 13 tamyzǵa belgilengen.
