«Tobyl» Konferentsııa lıgasy pleı-off kezeńinde kimmen oınaýy múmkin

Búgin Shveıtsarııanyń Non qalasynda pleı-off kezeńiniń jerebesi tartyldy. Onda qostanaılyq klýbtyń yqtımal qarsylasy retinde Ispanııanyń «Hetafe» komandasy belgili boldy.

Alǵashqy oıyn 20 tamyzda Ispanııada ótkizilse, qarymta kezdesý 27 tamyzda Qostanaıda bolýy múmkin.

Oǵan deıin qazaqstandyq klýb úshinshi irikteý kezeńinde Serbııanyń «Partızan» komandasymen jasyl alańǵa shyǵady. Olar ekinshi irikteý kezeńinde Lıtvanyń «Panevejıs» (1:1, 2:2, penaltıden — 3:2) klýbyn qapy qaldyrǵan edi.

Sondaı-aq jerebe tartý rásiminde UEFA Eýropa lıgasy pleı-off kezeńinde almatylyq «Qaırattyń» yqtımal qarsylasy anyqtaldy. Qazaqstandyq komanda UEFA Chempıondar lıgasy lıgasy úshinshi irikteý kezeńinde Bolgarııanyń «Levskı» (Sofııa) klýbymen sheberlik baıqasady. Bul kezeńdegi oıyndar 4 jáne 11 tamyzda bolady.

Úshinshi irikteý kezeńinen ótken jaǵdaıda almatylyq komanda pleı-off kezeńinde Grekııanyń AEK klýbymen kezdesýi múmkin. Bul oıyndar 18-19, 25-26 tamyz kúnderine belgilengen.

Almatylyq ujym atalǵan qarsylasynan jeńilgen jaǵdaıda Eýropa lıgasy pleı-off kezeńinde synǵa túsýge múmkindik alady. Onda olar PAOK (Grekııa) — «Anderleht» (Belgııa) jubynyń jeńimpazymen oınaıdy.