«Tobyl» komandasynyń sapyn chernogorııalyq legıoner tolyqtyrdy

ASTANA. KAZINFORM – Chernogorııanyń ortalyq qorǵaýshysy Nemanıa Tsavnıch «Tobylmen» kelisim-shartqa qol qoıdy. 

Nemanıa kásibı mansabyn Chernogorııanyń «Zeta» quramynda bastaǵan. 2018 jyly Tsavnıch Danııaǵa qonys aýdardy. Onda fýtbolshy Birinshi lıgadaǵy «Fremad Amager» jáne «HB Kege» klýbtarynda óner kórsetti. 

2024 jyldyń aqpanynda Nemanıa bosnııalyq «Jeleznıchar» klýbyna aýysty. Bosnııa men Gertsegovına Premer-lıgasynda bir jyl ishinde ol komandanyń negizgi oıynshysyna aınaldy.

Chernogorııalyq aıaqdopshy mansabynda barlyǵy 330-dan astam match ótkizip, 8 goldy enshisine jazdy.

Aıta keteıik, fýtbolshy Chernogorııa jastar quramasyna shaqyrtý alǵan. 

Buǵan deıin Elhan Astanovtyń shymkenttik «Ordabasy» fýtbol komandasyna aýysqanyn habarlaǵan edik.