«Tobyl» Qazaqstan kýbogy 1/16 fınalynda jeńiske jetti

ASTANA. KAZINFORM — Fýtboldan 2026 jylǵy Qazaqstan kýbogy 1/16 fınalyndaǵy úsh oıynnyń nátıjesi belgili boldy.

Bıyl týrnır 1/16 fınal kezeńinen bastaý alady. Ereksheligi oǵan áýesqoı lıganyń eki jeńimpazy qatysa alady. Jeńimpaz bir oıynnyń nátıjesimen anyqtalady.
Jarystyń bul kezeńindegi oıyndar 8 jáne 9 sáýir kúnderi ótkiziledi.

Óz alańynda «Talas» «Qaısarǵa» 0:2, «Jas Qyran» «Atyraýǵa» 0:4, «Ańsat» «Tobylǵa» 0:8 esebimen jeńildi.

Dál qazir «Akademııa Ońtústik» — «Ordabasy», «Jaıyq» — «Qaırat», «BKS» — «Astana» oıyndary ótip jatyr.

Sondaı-aq Qazaqstan ýaqytymen 18:00–de «Turan» — «Elimaı», 19:00–de bastalady «Qarshyǵa» — «Jetisý» oıyny bastalady.

Al erteń, 9 sáýirde 14:00–de «Zhelaev Nan» — «Altaı», «Hromtaý» — «Jeńis» kezdesýi ótse, 15:00–de «Arys» — «Aqtóbe», «Batyr» -«Kaspıı», «Shahter» — «Oqjetpes», «Taraz» — «Ulytaý» jasyl alańǵa shyǵady.

Jarystyń bul kezeńindegi oıyndardy 16:00–de «Han táńiri» — «Qyzyljar» túıindeıdi.

«SD Family» komandasynyń bıyl birinshiligine qatysýyna baılanysty «Ertis» 1/8 fınalyna birden joldama aldy.

Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) — 10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) — 1 márteden jeńimpaz atandy.