«Tobyl» fýtboldan Qazaqstan sýperkýbogynyń ıegeri atandy
ASTANA. KAZINFORM — Búgin, 28 aqpanda fýtboldan Qazaqstan sýperkýbogynda almatylyq «Qaırat» pen qostanaılyq «Tobyl» komandalary kezdesti.
Jańa maýsymdaǵy alǵashqy oıynda eki komanda bapkerler quramy tájirıbeli fýtbolshylarǵa senim artty. Oǵan qosa bıyl el birinshiliginde baq synaýǵa múmkindik alǵan sheteldik oıynshylar da qosyldy.
Komandalarlyń negizgi quramy
«Qaırat»: Temirlan Anarbekov (Q) — Lýısh Mata, Aleksandr Shırobokov, Aleksandr Martynovıch (K), Erkin Tapalov — ıAakko Oksanen, Dan Glazer, Oıva ıÝkkola, Aleksandr Mrynskıı, Jorjıno — Edmılson;
«Tobyl»: Sultan Busurmanov (Q) — Naýryzbek Jagorov, Pape-Alıýn Ndıaıe, Nemanıa Kavnıch, Aleksandr Marochkın, Marko Výkchevıch — Maksım Mıakısh, Ashat Tagybergen (K), Aleksandr Zýev — Rýbın Hebaı, Lýıs Gerra.
Oıyn bastalǵan sátten qos komanda birden shabýylǵa shyǵýǵa kóńil bóldi. Jasyl alań tórinde almatylyq fýtbolshylar jyldam gol soǵý múmkindigin izdedi. Degenmen olardyń tarapynan óreskel qatelikke boı aldyrý kórinis berdi.
Oıynnyń 6-mınýtynda «Tobyldyń» venesýelalyq shabýylshysy Lýıs Gerra óz múmkindigin múlt jibergen joq.
Kútpegen jerden óz qaqpasyna gol jiberip alǵan «Qaırat» tarazy basyn teńestirýge umtyldy. Olardyń qatarynan 20-mınýtta Aleksandr Mrynskıı kezekti shabýyldyń birinde qarsylas qaqpasyn dál kózdedi.
Al-26-mınýtta almatylyq klýbtan Jorjıno oryndaǵan penaltıge «Tobyl» qaqpashysy Sultan Busurmanov tosqaýyl qoıǵan edi. Ol qaıtarǵan dopty almatylyq klýb bıyl tolyqtyrǵan fınlıandııalyq ıAakko Oksanen múlt jibergen joq.
Ekinshi kezeńde komandalar shabýyldy báseńdetken joq. Almatylyq klýb basymdyqty arttyrýǵa kóńil bólse, qostanaılyq komanda tarazy basyn teńestirýge kúsh saldy.
Oıynnyń 89-mınýtynda Ashat Taǵybergen gol soǵyp ketti.
Osylaısha negizgi kezeń 2:2 esebimen aıaqtalyp, komandalar penaltı tebýge múmkindik aldy.
Penaltı tebýde «Tobyl» birde-bir múmkindigin múlt jibermeı, Qazaqstan sýperkýbogynyń ıegeri atandy.
Qazirge deıin atalǵan týrnırdiń fınalda 10 komanda baq synaǵan. Olardyń arasynda «Astana» 10 márte fınalǵa shyǵyp, 5 ret (2011, 2015, 2018, 2019, 2020, 2023) Sýperkýbokty ıelendi. Odan keıingi kezekte Almatynyń «Qaıraty» 5 márte fınalda baq synap, sonyń úsheýinde (2016, 2017, 2025) jeńimpaz atandy.
Sondaı-aq sýperkýbokta «Tobyl» bes márte oınap, (2021, 2022, 2024) úsh márte jeńis tuǵyryna kóterildi.
Al «Aqtóbe» 3 (2008, 2010, 2014) — 2, «Elimaı» (1995), «Ordabasy» (2012), «Shahter» (2013) komandalary bir-birden jeńimpaz tuǵyrynan kórindi. Sondaı-aq «Atyraý», «Vostok» jáne «Qaısar» komandalary sýperkýbokqa shyqqanymen birde-bir márte oǵan qol jetkize alǵan joq.