«Tobyl» — fýtboldan 2025 jylǵy Qazaqstan kýbogynyń ıegeri

QYZYLORDA. KAZINFORM — Búgin fýtboldan Qazaqstan kýbogy fınalynda «Ordabasy» (Shymkent) men «Tobyl» (Qostanaı) sheberlik baıqasty.

Bul kezdesý Qyzylorda qalasyndaǵy jańadan ashylǵan «Qaısar Arena» stadıonynda ótti. Oıynda bas tóreshisi mindetin shveıtsarııalyq Sven Volfensberger atqardy. 

Kezdesý barysynda qostanaılyq komanda sapynan Nıkolaı Sıgnevıch 19-mınýtta esep ashsa, Islam Chesnokov 33-mınýtta basymdyqty arttyrdy.

Osylaısha «Tobyl» qarsylasynan 2:0 esebimen basym túsip, Qazaqstan kýbogynyń ıegeri atandy.

Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty tóbesine kóterdi. Onyń ishinde «Qaırat» (Almaty) — 10, «Jeńis» (Astana) men «Astana» -3, «Tobyl» (Qostanaı), «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) — 1 márteden jeńimpaz atandy.

Bıyl Qazaqstan kýbogyna Premer-lıga, Birinshi jáne Ekinshi lıgadan barlyǵy 30 komanda qatysty. Aldymen Birinshi jáne Ekinshi lıga komandalary alǵashqy irikteý kezeńin ótkizdi. 
Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy.

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.