Tóbesine metall konstrýktsııa qulaǵan astanalyq áıel áli reanımatsııada jatyr
NUR-SULTAN. QazAqparat – Elordada tóbesine metall konstrýktsııa qulap, zardap shekken áıel 20 kúnnen beri reanımatsııada jatyr. Bul týraly aqparat Nur-Sultan qalasy qoǵamdyq densaýlyq saqtaý basqarmasynan kelip tústi, dep habarlaıdy QazAqparat tilshisi.
«Naýqas áli kúnge deıin reanımatsııa bóliminde jatyr. Jaǵdaıy aýyr», - dep habarlady basqarmadan.
Eske sala keteıik, 22 qazan kúni Nur-Sultanda kópqabatty úı shatyrynan metall konstrýktsııa qulady.
Oqys oqıǵa saldarynan 56 jastaǵy áıel túrli jaraqat alyp, jansaqtaý bólimine tústi.
Sondaı-aq, qalalyq polıtsııa departamenti bolǵan oqıǵaǵa qatysty QR Qylmystyq kodeksiniń 306-babyna sáıkes sotqa deıingi tergeý amaldarynyń bastalǵanyn habarlady.
Keıin elordanyń qoǵamdyq densaýlyq saqtaý basqarmasy naýqastyń óte aýyr halde ekenin jáne oǵan tıisti medıtsınalyq kómektiń kórsetilip jatqanyn málimdedi.
