Tóbelesten keıin 3 jigit pyshaq jaraqatymen aýrýhanaǵa tústi
ASTANA. 25 qyrkúıek. QazAqparat - Almaty qalasynda dámhanalardyń birinde stýdentter arasyndaǵy urys-keristiń sońy dene jaraqattarymen aıaqtaldy.
Janjal nátıjesinde kóptegen pyshaq jaraqattarymen úsh jigit aýrýhanaǵa jetkizildi.
Bul týraly búgin QR Іshki ister mınıstrliginde ótken brıfıngte vedomstvonyń resmı ókili Nurdildá Oraz málim etti.
«Qalalyq ІІD Jedel basqarý ortalyǵyna Áýezov aýdanyndaǵy bir dámhanada tóbeles bolyp jatqandyǵy jóninde aqparat túsedi de, polıtsııanyń kúzet jasaqtary oqıǵa ornynda 16-17 jas aralyǵyndaǵy tórt jigitti qolǵa túsiredi. Olardyń bireýi 11-synyp oqýshysy, al qalǵandary - stýdentter. Buzaqylyq jasaý faktisi boıynsha qylmystyq is qozǵaldy. Tergeý amaldary jalǵasýda», - dep atap ótti N.Oraz.
