Tóbeles kezinde aqtóbelikten eki tapansha tárkilendi
AQTÓBE. QazAqparat – Aqtóbede tóbeles bolyp, 28 jastaǵy kúdiktiden 2 qarý tárkilendi, dep habarlaıdy QazAqparat tilshisi.
«Tóbeles ornyna patrýldik polıtsııa jasaǵy baryp, 28 jastaǵy jigitti ustady. Tekserý kezinde ustalǵan azamattyń kúrteshesinen «OSA» jáne pnevmatıkalyq tapansha tabyldy. Ekeýiniń de oǵy bar. Oqıǵa ornyna jedel tergeý toby shaqyrtyldy. Ustalǵan jigit polıtsııa bólimine jetkizildi», - dep habarlady oblystyq PD baspasóz qyzmetiniń jetekshisi Erbolat Sarqulov.
Osy oqıǵa boıynsha Qylmystyq kodekstiń «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» baby boıynsha tergeý bastaldy. Saraptama taǵaıyndaldy.
