Tóbeden qulaǵan muz súńgisi 40 jastaǵy áıeldiń ómirin qıyp ketti
ASTANA. QazAqparat - Tergeýshiler RF Týla oblysynda shatyr tóbesinen qulaǵan muz súńgileri saldarynan qaza tapqan áıeldiń ólimine qatysty tergeý jumystaryn júrgizýde.
Bul týraly «Interfakske» óńirlik Tergeý komıteti TB ókili Tatıana Gryzlovaǵa silteme jasap habarlady.
Gryzlovanyń aıtýynsha, oqıǵa 18 aqpan kúni Aleksın qalasynyń ortalyǵynda oryn alǵan. Bes qabatty úıdiń shatyryndaǵy muz súńgileri 40 jastaǵy áıeldiń tóbesine qulaǵan. Alynǵan dene jáne bas jaraqaty saldarynan jan saqtaý bólimine jetkizildi. Biraq dárigerler ony ajaldan arashalap qala almady.
Tergeýshiler shatyrlardaǵy qardy tazalaýǵa jaýapty tulǵalardy anyqtaýda.
