TOǴYZQUMALAQ kollektsııalyq monetasy aınalymǵa shyǵady
Monetalardyń satylymǵa túsetin kúnine qatysty aqparat QUB-tyń resmı saıtynda qosymsha jarııalanady.
TOǴYZQUMALAQ – ıÝNESKO-nyń materıaldyq emes mádenı murasy tizimine engizilgen qazaqtyń eń kóne ulttyq oıyndarynyń biri.
Zııatkerlik ústel oıyny logıkalyq oılaýdy damytýǵa arnalǵan.
Monetalar reversi dızaınynyń negizine ejelde qoldanylǵan oıyn taqtasynyń dástúrli nysany alyndy.
Kúmisten jasalǵan monetalarda TOĠYZQUMALAQ jazýy jáne soǵylǵan jyldyń sandyq belgisi altyn jalatylǵan oıyn sharlary túrinde jasalǵan.
Monetada 162 shar beınelengen. Oıynda da osy san paıdalanylady.
Moneta reversiniń ortasynda oıý-órnek ornalasqan. Budan bólek, daıyndalǵan metaldy, synamasyn jáne massany bildiretin jazýlar bar.
Monetalardyń aversinde Qazaqstan Respýblıkasynyń Memlekettik eltańbasy oıý-órnek jolaǵymen kómkerilgen.
Eltańbanyń aınalasynda memlekettik tilde jáne aǵylshyn tilinde QAZAQSTAN RESPÝBLIKASY jáne REPUBLIC OF KAZAKHSTAN jazýlary, QUB logotıpi men monetalardyń nomınaly belgilengen.
Kollektsııalyq monetalar Qazaqstan Respýblıkasynyń búkil aýmaǵynda ózderiniń belgilengen qunymen tólemniń barlyq túri boıynsha qabyldanýǵa, sondaı-aq eldiń barlyq bankterinde bank shottaryna esepke alynýǵa jáne aýdarýǵa, usaqtalýǵa jáne aıyrbastalýǵa mindetti.
Kúmisten jasalǵan monetalar memlekettik tilde, orys jáne aǵylshyn tilderinde QUB nómiri bar sapa sertıfıkattarymen kádesyı qaptamasynda shyǵarylady. Melhıor qorytpasynan jasalǵan monetalar jeke blısterlik qaptamada shyǵarylady.
Kollektsııalyq monetalar Qazaqstan teńge saraıynda daıyndaldy.
Foto: nationalbank.kz