TMU-nyń barlyq elinde ishki kýálikpen saıahattaý qoljetimdi bolýy múmkin
ASTANA. KAZINFORM — Túrki memleketteri uıymy (TMU) keńistigi úshin elder arasyndaǵy saıahatty jeńildetý jáne mádenı yntymaqtastyqty jandandyrý úshin jańa bastamalar ázirlenip jatyr, dep habarlaıdy Kazinform agenttiginiń Ankaradaǵy menshikti tilshisi.
Túrki memleketteri uıymy (TMU) aıasynda ózara saıahattardy aıtarlyqtaı jeńildetý jáne jańa mádenı jobalardy iske qosý boıynsha daıyndyq jumystary júrgizilip jatyr. Bul týraly Ankara — túrki áleminiń týrızm astanasy» kelisimine qol qoıý rásiminde Túrkııanyń bıliktegi «Ádilet jáne damý partııasy» (ÁDP) tóraǵasynyń orynbasary jáne túrki memleketterimen baılanys jónindegi tóraǵasy Kıýrshad Zorlý «málimdedi.
Onyń aıtýynsha, túrkitildes elderdiń ıntegratsııasy jańa praktıkalyq deńgeıge ótip, eń aldymen adamı baılanys pen jastar yntymaqtastyǵyn damytýǵa baǵyttalǵan.
Negizgi bastamalardyń biri ishki jeke kýáliktermen saıahattaý tájirıbesin keńeıtý bolady. Bul rejım qazirdiń ózinde Túrkııa men Ázerbaıjan arasynda jumys istep jatyr. Bolashaqta bul tájirıbeni túrki áleminiń barlyq memleketine keńeıtý josparlanǵan.
Budan basqa, TMU elderi úshin biryńǵaı murajaı kartasy jobasy sońǵy kezeńde. Ol týrısterge murajaılarǵa biryńǵaı bıletpen barýǵa múmkindik berip, saıahat shyǵyndaryn azaıtady jáne ortaq tarıhı-mádenı mura nysandaryna qol jetkizýdi jeńildetedi.
Belgili bolǵandaı, Túrkııaǵa jyl saıyn túrki memleketterinen shamamen 3,5 mln týrıst keledi, al keri baǵytta shamamen 1 mln týrıst saıahattaıdy. Ózara týrıstik aǵyndy arttyrý úshin, sonyń ishinde áýe kompanııalarymen baǵany ońtaılandyrý jáne baǵyt jelisin keńeıtý boıynsha kelissózder júrgizilip jatyr.
Osyǵan baılanysty Zorlý prezıdent Rejep Taııp Erdoǵan usynǵan „Túrkııa kitaby“ tujyrymdamasy týraly baıandady. Onyń aıtýynsha, bul bastama túrik azamattarynyń tarıhyn baýyrlas halyqtardyń tarıhymen biriktiredi jáne „Túrki áleminiń ǵasyrlary“ strategııasyn kórsetedi.
Birlesken bastamalardy ilgeriletýdiń taǵy bir alańy — jaqyn arada Antalıada ótetin BUU Klımattyń ózgerýi jónindegi negizdemelik konventsııasy taraptarynyń 31-shi konferentsııasy (COP31) bolady. Forým aıasynda túrki memleketteriniń birlesken ekologııalyq jáne aımaqtyq jobalarǵa arnalǵan arnaıy kezdesýi josparlanǵan.
Týrızm jáne gýmanıtarlyq bastamalardy qoldaý úshin Ankarany damytý agenttigi toǵyz pılottyq jobany júzege asyrýǵa 5 mln túrik lırasyn (shamamen 105 myń AQSh dollary) bóldi. Jyl sońyna deıin Túrkııa men túrki áleminiń basqa memleketteri arasyndaǵy baılanysty nyǵaıtýǵa baǵyttalǵan 30-dan astam akademııalyq, mádenı jáne ekonomıkalyq bastamalardy qarjylandyrý josparlanǵan.
Osyǵan deıin elimizde úsh týrıstik óńirde jańa áýejaı salynyp jatqanyn habarladyq.
Sondaı-aq Túrkistan alǵash ret eń tanymal týrıstik óńirlerdiń qataryna engenin jazdyq.
