TMU sammıti: múshe elder IT-habtarynyń birlesken ortalyǵyn ashý usynyldy
ASTANA. KAZINFORM – Túrki elderiniń IT-habtarynyń birlesken ortalyǵy ortaq múddeni ilgeriletýge yqpal etedi. Bul týraly búgin Túrki memleketteri uıymynyń beıresmı sammıtinde Prezıdent Qasym-Jomart Toqaev málim etti.
– Qazir árbir elde IT-jobalarǵa arnalǵan tehnoparkter bar. Men Túrki keńesine múshe memleketterdiń IT-habtarynyń birlesken ortalyǵyn ashýdy usynamyn. Ortalyqqa Turkic ai ataýyn berip, ony Alem.ai ortalyǵynda ornalastyrýǵa bolady. Birlesken hab ortaq múddelerimizdi ilgeriletýge yqpal eteri sózsiz, - dedi Qasym-Jomart Toqaev.
Budan buryn habarlanǵandaı, búgin Túrkistan qalasynda Prezıdent Qasym-Jomart Toqaevtyń qatysýymen Túrki memleketteri uıymynyń beıresmı sammıti bastaldy. Sammıtke TMU-ǵa múshe memleketterdiń basshylary - Túrkııa prezıdenti Rejep Taııp Erdoǵan, Ózbekstan prezıdenti Shavkat Mırzıeev pen Qyrǵyzstan prezıdenti Sadyr Japarov, Ázerbaıjan prezıdenti Ilham Álıev keldi.
Jasandy ıntellekt jáne tsıfrlyq damý» taqyrybyna arnalǵan jıyn Qazaqstannyń tóraǵalyǵymen uıymdastyrylyp otyr.
Aıta keteıik, Memleket basshysy Túrki órkenıeti ortalyǵyn qurý týraly sheshim qabyldady.
