TMU memleket basshylarynyń beıresmı sammıti Býdapeshte ótedi
ASTANA. KAZINFORM – Túrki memleketteri uıymynyń (TMU) beıresmı sammıti bıyl 20-21 mamyrda Majarstan astanasy Býdapeshte ótedi.
Sammıt Majarstan premer-mınıstri Vıktor Orbannyń shaqyrýymen ótkeli jatyr. Jıynǵa TMU-ǵa múshe Ázerbaıjan, Qazaqstan, Qyrǵyzstan, Túrkııa men Ózbekstan sııaqty memleketterdiń prezıdentteri qatysady.
Sonymen qatar sammıtke TMU janyndaǵy baqylaýshy elderdiń ókilderi men uıymnyń Bas hatshysy keledi.
TMU beıresmı sammıti tarıhta alǵash ret baqylaýshy memleket aýmaǵynda bolǵaly otyr.
«Shyǵys, batys pen túıisý núktesi» taqyrybynda ótetin is-shara memleket basshylaryna basym baǵyttar boıynsha yqpaldasý jáne damytý máselelerin talqylap, óńirlik jáne jahandyq ózekti máseleler boıynsha pikir almasýǵa múmkindik beredi.
Sammıt qorytyndysy boıynsha, TMU-nyń ortaq bolashaǵy men strategııalyq baǵytyn rastaıtyn Býdapesht deklaratsııasyn qabyldap, ózge de birqatar mańyzdy sheshimder men bastamalardy maquldaý kózdelip otyr.
Býdapeshte ótetin beıresmı sammıttiń aldynda samıttiń kún tártibi men memleket basshylaryna qol qoıýǵa usynylatyn qujattardy pysyqtaý úshin TMU Syrtqy ister mınıstrleriniń keńesi ótedi.
Osyǵan deıin Irak astanasynda Arab memleketteri lıgasynyń (AML) 34-shi sammıti bastalǵany týraly jadyq.