TMU-ǵa múshe memleketterdiń úkimet basshylary Bishkekte kezdesedi

BІShKEK. KAZINFORM – Qyrǵyzstan astanasynda 18 qyrkúıekte Túrki memleketteri uıymyna múshe memleketterdiń úkimet basshylary men vıtse-prezıdentiniń otyrysy ótedi, dep habarlaıdy Kazinform menshikti tilshisi.

Іs-sharaǵa Qazaqstan Premer-mınıstri Oljas Bektenov, Mınıstrler kabınetiniń tóraǵasy – Qyrǵyz Respýblıkasy Prezıdenti Ákimshiliginiń basshysy Adylbek Qasymalıev, Ózbekstan Respýblıkasynyń premer-mınıstri Abdýlla Arıpov, Ázerbaıjan Respýblıkasynyń premer-mınıstri Álı Asadov, Túrkııa Respýblıkasynyń vıtse-prezıdenti Djevdet Iylmaz, sondaı-aq Túrki memleketteri uıymynyń Bas hatshysy Kýbanychbek Omýralıev qatysady.

Kezdesýde ekonomıka, saýda, ınvestıtsııa, kólik, tsıfrlandyrý, energetıka, aýyl sharýashylyǵy jáne basqa da salalardaǵy yntymaqtastyqtyń basym baǵyttary talqylanady. Sondaı-aq yntymaqtastyqty odan ári nyǵaıtý maqsatynda Túrki memleketteri uıymynyń tetikterin jetildirý máseleleri qarastyrylady.

12 qyrkúıekte Qyrǵyzstan astanasyndaǵy «Ala-Archa» memlekettik rezıdentsııasynda Túrki memleketteri uıymyna múshe memleketterdiń musylmandar dinı basqarmalary basshylary keńesiniń VI otyrysy ótti.