TMU elderiniń 20 úzdik IT-startabyna Kremnıı alqabynda oqýǵa grant beriledi
Osy maqsatta Astana Hub áıgili Draper University-men kelisim jasasyp, 20 perspektıvti startapty Kremnıı alqabynda Hero Training ıntensıvti baǵdarlamasy aıasynda damytatyn boldy.
Yntymaqtastyq týraly kelisimge 2023 jylǵy 10 naýryzda Astana Hub bas dırektory Maǵjan Mádıev pen Draper University prezıdenti Asra Nadeem San-Mateo qalasynda (Kalıfornııa shtaty) QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń AQSh-qa resmı sapary barysynda qol qoıdy.
«Memleket basshysy Qasym-Jomart Kemeluly eldegi IT-salanyń damýyna aıryqsha mán berýde jáne qoldaý kórsetýde. Os rette biz startaptarymyzǵa úzdik álemdik tájirıbeni usynǵymyz keledi. Kremnıı alqabynda ornalasqan Draper University qazirdiń ózinde kóptegen jas IT-kompanııalar úshin tabysqa jetýdiń katalızatoryna aınaldy, óıtkeni ol jerde resýrstardyń, kapıtaldyń jáne halyqaralyq sarapshylardyń biregeı úılesimi bar, bul startaptardyń jyldam damýyna múmkindik beredi. Bizdiń yntymaqtastyǵymyz baǵdarlama qatysýshylaryna óz bıznesin jańa deńgeıge kóterip, jahandyq aýqymdaǵy kásipkerlikte básekege qabiletti kompanııaǵa aınalýǵa múmkindik beretinine senimdimin», - dedi mınıstr Baǵdat Mýsın.
Baǵdarlama mynadaı kezeńderden turady:
Úzdik 80 joba ónimdi ázirleý jáne masshtabtaý, sondaı-aq halyqaralyq venchýrlyq qorlardan ınvestıtsııa tartý prıntsıpteri boıynsha 2 aptalyq onlaın baǵdarlamasyna qol jetkize alady.
Úzdik 20 joba tájirıbeli tehnologııalyq kásipkerler jáne sarapshylardyń jetekshiligimen ınvestıtsııa tartý ári AQSh naryǵyna shyǵý úshin Kremnıı alqabyndaǵy Draper University-de 6 aıǵa deıin tegin baspana jáne jumys ornymen qamtamasyz etilip, 5 aptalyq qarqyndy baǵdarlamasynan ótý múmkindigine ıe bolady.
Draper Ecosystem - bul ınnovatsııalyq ekojúıeni qoldaý úshin ozyq fasılıtatorlar men tálimgerlerdiń, salalyq sarapshylardyń, korporatıvtik seriktesterdiń jáne ınvestorlardyń teńdesi joq jelisin usyný arqyly talanttardy, sarapshylardy jáne ınvestorlardy biriktirýdiń biregeı tásili. Draper University negizin venchýrlyq kapıtal bıznesinde 38 jyldyq tájirıbesi bar Tım Draper qalady, onyń basqarýynda 11 qor bar, $7 mlrd ınvestıtsııa salǵan, onyń esebinde 34 unicorn jáne 6 rhino kompanııa bar.
Hero Training baǵdarlamasyna ótinish bıylǵy 7 sáýirge deıin qabyldanady, oqý HH bastalady. Silteme arqyly baǵdarlama sharttary týraly tolyǵyraq bilip, qatysýǵa ótinim joldaýǵa bolady.