TMRA sybaılas jemqorlyq áreketteriniń aldyn alýǵa yqpal etetin baǵyttardy naqtylady

Bul máseleler jóninde búgin Tabıǵı monopolııalardy retteý agenttigi men onyń aımaqtaǵy qurylymdarynda sybaılas jemqorlyqpen kúres  máselelerine arnalǵan májiliste atalmysh vedomstvonyń jaýapty hatshysy Rýslan Ahmetov aıtty.

 Jaýapty hatshynyń sózine qaraǵanda, birinshiden tabıǵı monopolııa salasyndaǵy máselelerdi retteıtin zańdardy jetildirip, osy baǵyttaǵy aktilerdiń deńgeıin kóterý sharalaryn júıelendirý qajet. «Tabıǵı monopolııalar salasyndaǵy ótinishterdiń qaraýdyń ashyqtyǵy men jarııalylyǵyn qamtamasyz etý kerek. Bul baǵyttaǵy jumystarǵa buqaralyq aqparat quraldary men qoǵamdyq uıym ókilderin tartqan jón. Aımaqtyq organdardyń qyzmetin baqylaý sharalaryn arttyryp, olarǵa keshendi tekserý sharalaryn kóbeıtý qajet. Buǵan qosa aımaqtyq organdardyń qyzmetiniń reıtıngin jasap otyrý kerek»,-dedi jaýapty hatshy.

 Sondaı-aq ol sózinde tabıǵı monopolııalardy qorǵaý salasynyń qyzmetkerleri arasynda oqytý semınarlaryn uıymdastyryp otyrýdy usyndy. Bul baǵyttaǵy jumystarǵa quqyq qorǵaý organy salasynyń qyzmetkerlerin qatystyrǵan jón. «Sonymen qatar monopolııaǵa qarsy kúres salasynyń ókilderine ara-tura eldegi bas bostandyǵynan aıyrý oryndaryn da aralatyp otyrǵan ońdy bolar edi»,-dedi vedomstvo ókili.