TMRA-nyń laýazymdy tulǵalaryna para berý kúdigine ilikken A. Aqtaı qamaýǵa alyndy - QR Bas prokýratýrasy

ASTANA. QazAqparat - QR Bas prokýratýranyń narazylyǵymen Astana qalalyq sotynyń apellıatsııalyq satysy A.Aqtaıǵa qatysty qamaýǵa alý túrindegi bultartpaý sharasyn qoldaný týraly sanktsııa berdi, dep habarlady atalǵan vedomstvonyń baspasóz qyzmetinen.

«A.Aqtaıdy QR Tabıǵı monopolııalardy retteý agenttiginiń laýazymdy tulǵalaryna para berý faktileri boıynsha asa aýyr sybaılas jemqorlyq qylmystar jasaý kúdigimen qozǵalǵan qylmystyq is aıasynda Ekonomıkalyq qylmysqa jáne sybaılas jemqorlyqqa qarsy kúres agenttigi ustaǵan bolatyn», - delingen habarlamada.

QR Bas prokýratýrasy Astana qalasynyń Almaty aýdandyq №2 sotyna A.Aqtaıǵa qatysty qamaýǵa alý túrindegi bultartpaý sharasyn qoldaný sanktsııasyn berý týraly másele kótergen edi. Biraq, osy sottyń qaýlysymen bul usynys qoldaý tappady.

«Aǵymdaǵy jylǵy 11 shildede Bas prokýratýranyń narazylyǵymen Astana qalalyq sotynyń apellıatsııalyq satysy aýdandyq sot sheshiminiń kúshin joıdy jáne A.Aqtaı qamaýǵa alyndy», - dep habarlady QR Bas prokýratýrasy.