TMRA-nyń burynǵy basshysy M. Ospanov qyrkúıekke deıin qamaýda bolady
ASTANA. QazAqparat - Tabıǵı monopolııalardy retteý agenttiginiń burynǵy tóraǵasy Murat Ospanovty ýaqytsha oqshaýlaý ızolıatorynda ustaý ýaqyty 2014 jyldyń 1 qyrkúıegine deıin uzartyldy. Bul týraly QazAqparat tilshisine Astana qalasy Almaty aýdandyq № 2 soty keńsesiniń meńgerýshisi Darhan Ahashov málim etti.
Onyń aıtýynsha, Murat Ospanovtyń isine qatysty qylmystyq istiń materıaldary boıynsha sot eki aılyq arest túrindegi jazany kesken. Sheneýnikke QR QK 311-baby 5-bóliminiń boıynsha - asa kóp mólshere para alý degen aıyp taǵylǵan. Bul bap dúneı-múlikti tárkileýmen qatar, 10 jyldan 15 jylǵa deıin bas bostandyǵynan aıyrý jazasyn qarastyrady.
Aıta keteıik, 2014 jyldyń 2 shildesinde Qarjy polıtsııasy Tabıǵı monopolııalardy retteý agenttiginiń tóraǵasy Murat Ospanovty tutqyndaǵanyn málimdegen bolatyn. Olardyń málimetinshe, M. Ospanov 200 myń dollar kóleminde para aldy degen kúdikpen ustalǵan. Artynsha belgili bolǵandaı, para kólemi 300 myń ekeni anyqtaldy. 3 shilde kúni Astana qalasy Almaty aýdandyq № 2 soty TMRA burynǵy basshysyn ustaýǵa sanktsııa jarııalady.
