TMRA munaı ónimderiniń kóterme baǵalaryna memlekettik retteý júıesin engizýdi josparlaýda
ASTANA. 15 qarasha. QazAqparat - Tabıǵı monopolııalardy retteý agenttigi munaı ónimderiniń kóterme baǵalaryna memlekettik retteý júıesin engizýdi josparlaýda.
Bul týraly búgin Astanada ótken konferentsııa barysynda TMRA basqarmasynyń bastyǵy Márzııa Qaıdarova málim etti.
M.Qaıdarovanyń aıtýynsha, agenttik atalmysh usynysty QR Munaı jáne gaz mınıstrligine joldady.
«Osy oraıda, Munaı jáne gaz mınıstrligi zańnamaǵa ózgeris engizý boıynsha jumys uıymdastyrýdy sheshse, TMRA atalmysh jumysqa óz úlesin qosýǵa daıyn», - dep atap ótti ol.
Búgingi tańda Qazaqstanda bólshek saýda naryǵyndaǵy munaı ónimderiniń shekti baǵalary memleketpen rettelip otyrady. Al kóterme quny memleketpen baqylanbaıdy.
