TMRA monopolısterdi ınnovatsııalyq tehnologııalarǵa kóshýge yntalandyratyn saıasat ustanbaq

Bul týraly búgin QR Tabıǵı monopolııalardy retteý agenttiginde ótken «Ashyq esik kúni» sharasy barysynda vedomstvonyń jaýapty hatshysy Rýstam Ahmetov málim etti.

«Tarıftik saıasat týraly 2030 jylǵa arnalǵan baǵdarlama aıasynda tarıfterdi qurý júıesi kezeń-kezeńmen ózgeredi jáne retteýdiń yntalandyrýshy ádisteri engiziledi», - deıdi R.Ahmetov.

Onyń aıtýynsha, qazirdiń ózinde tabıǵı monopolııalar sýbektileriniń qyzmetin tıimdilikke yntalandyrý úshin eldegi zańnamalyq aktilerge tıisti ózgerister men tolyqtyrýlardy engizý jumystary bastalyp ketti.

«Josparlanyp otyrǵan ózgeristerdiń máni mynada - ınnovatsııalyq tehnologııalardy engizýden únemdelgen qarajat tabıǵı monopolııalardyń ózderinde qalady jáne ol tarıfti qurý kezinde eskerilmeıdi. Osylaısha olardy jańa tehnologııalardy engizýge yntalandyratyn bolamyz», - dep atap ótti ol.

Sonymen qatar TMRA retteý protsessterin ońtaılandyryp, tarıfke qatysty sheshimderdi shyǵarý qyzmetin jeńildetetin bolady.

Aıta keteıik, Tabıǵı monopolııalardy retteý agenttigi elektr, jylýenergetıka, sýmen jabdyqtaý, káriz jáne kólik júıeleri salasyndaǵy 1100-den astam sýbektiniń tarıftik jáne tehnıkalyq retteý saıasatyna qadaǵalaý júrgizedi. Sonymen qatar 130 ústem sýbektiniń baǵa belgileý fýnktsııasyn atqarady.