TMRA monopolıster nysandary boıynsha jýrnalısterge arnalǵan baspasóz-týrlaryn bastaıdy
ASTANA. 20 tamyz. QazAqparat - Qazaqstan Respýblıkasy Tabıǵı monopolııalardy retteý agenttigi bıylǵy jyldyń 20 tamyzynan 30 qyrkúıegine deıin aımaqtyq jáne respýblıkalyq buqaralyq aqparat quraldarynyń jýrnalısterine arnalǵan aımaqtardaǵy halyqty elektrmen, sýmen jáne jylýmen jabdyqtaıtyn tabıǵı monopolııalardyń bazalyq sýbektilerine baspasóz-týrlaryn uıymdastyrmaq.
Baspasóz-týrlarynyń maqsaty:
- ınvestıtsııalyq baǵdarlamalardyń oryndalý barysyn, monopolıst-kásiporyndardyń aktıvteriniń jańǵyrtylýyn jáne atqarylǵan isterdiń qorytyndysyn baspasózde keńinen jarııalaý;
- tarıfterdiń ósýinen túsken qarajat tabıǵı monopolııalar sýbektilerimen maqsatty qoldanylyp jatqany týraly tutynýshylarǵa aqparat berý;
- joǵary normatıvtik tehnıkalyq shyǵyndardy joıýǵa jáne normatıvti tehnıkalyq shyǵyndardy, TMS negizgi bazalyq quraldarynyń tozýyn azaıtýǵa baǵyttalǵan sharalardy nasıhattaý.
Barlyǵy 55 baspasóz-týry josparlanǵan.
