TMRA lıtsenzııa berýin eki esege qysqartty
ASTANA. 2 tamyz. QazAqparat - Memleket basshysy N.Nazarbaevtyń tapsyrmasyn oryndaý barysynda Qazaqstan Respýblıkasy Tabıǵı monopolııalardy retteý agenttigi ústimizdegi jylǵy shilde aıynan bastap óz lıtsenzııalaryn berýdi taǵy da jartylaı qysqartty.
TMRA baspasóz qyzmeti habarlaǵandaı, vedomstvo lıtsenzııanyń tórt túriniń ekeýin ǵana beretin bolady. Vedomstvonyń aýmaqtyq departamentteri úsheýiniń ornyna tek lıtsenzııanyń magıstraldyq gaz qubyrjoldaryn, munaı qubyrjoldaryn, munaı ónimderi qubyrjoldaryn paıdalaný qyzmet túrin ǵana lıtsenzııalaıtyn bolady. Elektr, jylý energııasyn berý jáne taratý, jolaýshylardy temir jol kóligimen tasymaldaý sııaqty lıtsenzııalardyń túrlerinen bas tartyldy.
Ortalyq apparat Energııamen jabdyqtaý maqsatynda elektr energııasyn satyp alý qyzmettiń bir túrin lıtsenzııalaýdy júzege asyrady. Tıisti ózgerister qoldanystaǵy zańnamaǵa engizildi.
Agenttik aldaǵy ýaqytta kirme joldardy magıstraldyq jáne stansalyq joldarǵa jalǵastyrýǵa ruqsat bermeıtin bolady. Osy qyzmet zańnamamen ústimizdegi jyldyń shilde aıynan bastap alynyp tastaldy.
Tóreshildik áýre - sarsańdy qysqartý jáne qyzmetkerlermen tikeleı baılanysty boldyrmaý maqsatynda Agenttik jáne onyń aýmaqtyq organdary lıtsenzııalardy jáne olarǵa qosymshalardy elektrondy túrde berý týraly ótinishterdi qabyldaýdy jalǵastyrýda. Ústimizdegi jyldan bastap 237 qujat berildi.
Budan basqa qazirgi ýaqytta Agenttik Kólik jáne kommýnıkatsııa mınıstrligimen birlesip halyqqa qyzmet kórsetý ortalyqtary arqyly ótinishterdi qabyldaýdy jáne lıtsenzııalardy berýdi uıymdastyrý boıynsha qosymsha jumys júrgizýde, bul memlekettik organda sybaılas jemqorlyq quqyq táýekelin azaıtýǵa múmkindik beredi.
