TMRA kommýnaldyq qyzmet túrlerine baǵany ósirmeýge ýáde etti
ASTANA. QazAqparat - Kommýnaldyq jáne basqa da retteletin qyzmetterge tarıfter teńgeniń dollarǵa baǵamyn túzetýge baılanysty óspeıdi. Bul týraly búgin Astanada Ortalyq kommýnıkatsııalar qyzmetinde ótken brıfıngte QR Tabıǵı monopolııalardy retteý agenttiginiń tóraǵasy Murat Ospanov málim etti.
«Búgingi kúni retteletin kommýnaldyq qyzmet tarıfterinde teńge baǵamynyń dollarǵa shaqqandaǵy ózgerýine baılanysty ózgerister bolmaıdy. Onyń ústine, osy jyldyń 1 mamyryna deıin retteletin qyzmetterdiń barlyq túrlerine tarıfter ózgermeıdi», - dedi ol.
Onyń aıtýynsha, odan keıingi ózgerister josparly túrde júzege aspaq.
Ol elektr, jylý, sý jáne gazben qamtý sııaqty kommýnaldyq qyzmetterge tarıfterdi memleket retteıtinin atap ótti. Sáıkesinshe, atalǵan tarıfter turaqty baqylaýda jáne ótinimderdi qaraý nátıjesi boıynsha ǵana ózgertiledi.
Josparlanbaǵan faktorlar áser etken jaǵdaıda zańnamada tarıfterdiń turaqty deńgeıin saqtaý úshin birqatar quraldar qoldanylady.
TMRA tóraǵasy agenttik tarıfterdiń negizsiz ósýine jol bermeıdi dep sendirdi.
