TMRA «Qazaeronavıgatsııa» RMK-nyń tarıfterin ózgerissiz qaldyrdy
ASTANA. 27 qarasha. QazAqparat - QR Tabıǵı monopolııalardy retteý agenttigi «Qazaeronavıgatsııa» RMK-nyń 2013 jyldyń 1 qańtarynan bastap áýe keńistigi men aerodrom aýdanynda áýe kemelerine aeronavıgatsııalyq qyzmet kórsetý tarıfterin ortasha alǵanda 92 paıyzǵa ósirý týraly ótinimin ózgerissiz, burynǵy tarıf úıinde qaldyrdy,
dep habarlaıdy TMRA-niń baspasóz qyzmetinen.
Sonyń qorytyndysy boıynsha «Qazaeronavıgatsııa» RMK-nyń qyzmetterimen baılanysty áýe tasymaldary tarıfteriniń ósýi jaqyn ýaqytta kútilmeıdi.
«Qazaeronavıgatsııa» RMK-nyń sáıkestendirilgen ótinimi TMQA-ne aǵymdaǵy jyldyń qyrkúıek aıynda kelip tústi. Kásiporynnyń málimetterinshe, qadaǵalanatyn qyzmetterge jumsalatyn shyǵyndardyń kóbeıýi saldarynan ishki reısterdegi áýe kemelerine qyzmet kórsetý tarıfiniń zalaldylyǵy ótinimdi berýdiń negizgi sebebi boldy.
«Qazaeronavıgatsııa» RMK-nyń tarıfteri jáne aeronavıgatsııalyq qyzmet kórsetý úshin jınaq mólsherlemelerimen Agenttik saıtyndaǵy (www.arem.kz) «Statıstıkalyq málimetter» bólimi arqyly tanysýǵa bolady.
