TMRA elektr energııasyn tutyný kólemine qaraı 3 deńgeıli saralanǵan tarıfterdi engizýge kiristi
ASTANA. 15 mamyr. QazAqparat - Tabıǵı monopolııalardy retteý agenttigi elektr energııasyn tutyný kólemine qaraı 3 deńgeıli saralanǵan tarıfterdi engizýge kiristi.
Bul týraly búgin Úkimettiń selektorlyq rejimdegi otyrysynda atalǵan vedomstvonyń basshysy Murat Ospanov málim etti.
«Memleket basshysynyń tapsyrmasyn oryndaý aıasynda agenttik elektr energııasyn tutyný kólemine qaraı 3 deńgeıli saralanǵan tarıfterdi engizýge kiristi», - dedi ol.
Onyń aıtýynsha, elektr energııasyna aqy tóleý kezinde halyqtyń áleýmettik jaǵynan álsz tobyna qolaıly jaǵdaılar jasaý maqsatynda aǵymdaǵy jyldyń 1 sáýirinen bastap elektr energııasynyń tutyný shamasyn asyrǵany úshin asa joǵary nemese 2-shi deńgeıli tarıf boıynsha aqy óndirip alynatyn neǵurlym joǵary shama engizilgen.
«Budan ári osy tájirıbe sýmen jabdyqtaýda qoldaný múmkindigi qaralatyn bolady», - dedi M.Ospanov.
