TMRA eks-tóraǵasy M.Ospanovtyń isi boıynsha sot bir aptadan keıin bastalady
ASTANA. QazAqparat - QR Tabıǵı monopolııalardy retteý agenttiginiń burynǵy tóraǵasy Murat Ospanovtyń isi boıynsha sot 11 qarashada Astananyń qylmystyq ister jónindegi mamandandyrylǵan aýdanaralyq sotynda bastalady. Bul týraly búgin «QazAqparat» tilshisine bergen suhbatynda atalǵan sottan habarlady.
«Murat Ospanovtyń isi boıynsha sot tyńdaýlary 11, 13, 17, 18 jáne 19 qarashaǵa taǵaıyndaldy. Sot otyrysy saǵat 10-00 kezinde bastalady. Oǵan sýdıa Erbol Rahımbekov tóraǵalyq etedi», delingen habarlamada. Aıta keteıik, 2014 jyldyń 2 shildesinde Qarjy polıtsııasy Tabıǵı monopolııalardy retteý agenttiginiń tóraǵasy Murat Ospanovty tutqyndaǵanyn málimdegen bolatyn. Olardyń málimetinshe, M. Ospanov 200 myń dollar kóleminde para aldy degen kúdikpen ustalǵan. Artynsha belgili bolǵandaı, para kólemi 300 myń ekeni anyqtaldy. 3 shilde kúni Astana qalasy Almaty aýdandyq № 2 soty TMRA burynǵy basshysyn ustaýǵa sanktsııa jarııalady.
