TMRA eks-basshysy Murat Ospanov 800 mıllıon teńge aıyppul tóledi
ASTANA. QazAqparat - Astana qalasynyń Qylmystyq isteri jónindegi mamandandyrylǵan aýdanaralyq sotynyń 13.02.2015 jylǵy sheshimimen Murat Ospanovtan memleket paıdasyna 847 609 252 teńge kóleminde aıyppul somasy óndirildi. Aıyppuldyń qalǵan somasy 253 450 748 teńgeni quraıdy.
Aıta keteıik, Murat Ospanovqa Qylmystyq kodekstiń 311-baby boıynsha asa iri kólemde para aldy degen kiná taǵylǵan edi. Jyl basynda aıaqtalǵan sot protsesinde TRMA burynǵy basshysy Murat Ospanov sot zalynan bosatylǵan bolatyn. Eks-sheneýnikti qamaýǵa alý bultartpaý sharasy múlkin tárkileýmen qatar, eshqaıda shyqpaý qolhatyna aýystyrylyp, 1 mlrd. 101 mln. teńge aıyppul tóleýge mindetteldi.
Ospanov 2014 jylǵy 1 shildede Qarjy polıtsııasy agenttiginde jaýap berýden keıin ustaldy.
Sottyń jibergen habarlamasy boıynsha, úkim shyǵarý kezinde M. Ospanovtyń buryn eshqandaı qylmys jasamaǵany, memlekettik nagradalarmen marapattalǵan qyzmettik ótili eskerildi.
Esterińizge salaıyq, M. Ospanov 300 myń dollar kóleminde para aldy degen kúdikpen byltyr shilde aıynda ustalǵan bolatyn, keıinirek sot ony qamaýǵa alýdy sanktsııalady. Murat Ospanov QR Tabıǵı monopolııalardy retteý agenttiginiń tóraǵasy qyzmetine 2012 jyldyń qańtar aıynda taǵaıyndalǵan.
