TMRA burynǵy basshysy sot zalynan bosatyldy
ASTANA. QazAqparat - TRMA burynǵy basshysy Murat Ospanov sot zalynan bosatyldy. Eks-sheneýnikti qamaýǵa alý bultartpaý sharasy múlkin tárkileýmen qatar, eshqaıda shyqpaý qolhatyna aýystyrylyp, 1 mlrd. 101 mln. teńge aıyppul tóleýge mindetteldi.
Bul týraly Astana qalasynyń Qylmystyq isteri jónindegi mamandandyrylǵan aýdanaralyq soty málim etti.
Aıta keteıik, buǵan deıin memlekettik aıyptaýshy tarap QR Tabıǵı monopolııalardy retteý agenttiginiń burynǵy tóraǵasy Murat Ospanovty 11 jylǵa bas bostandyǵynan aıyrý jazasyn suraǵan bolatyn.
Murat Ospanovqa Qylmystyq kodekstiń 311-baby boıynsha asa iri kólemde para aldy degen kiná taǵylǵan edi. Ospanov 2014 jylǵy 1 shildede Qarjy polıtsııasy agenttiginde jaýap berýden keıin ustaldy.
Sottyń jibergen habarlamasy boıynsha, úkim shyǵarý kezinde M. Ospanovtyń buryn eshqandaı qylmys jasamaǵany, memlekettik nagradalarmen marapattalǵan qyzmettik ótili eskerildi.
Esterińizge salaıyq, M. Ospanov 300 myń dollar kóleminde para aldy degen kúdikpen byltyr shilde aıynda ustalǵan bolatyn, keıinirek sot ony qamaýǵa alýdy sanktsııalady. Murat Ospanov QR Tabıǵı monopolııalardy retteý agenttiginiń tóraǵasy qyzmetine 2012 jyldyń qańtar aıynda taǵaıyndalǵan.
