TMRA alqa otyrysynda tarıftik zańnamany jetildirý jáne sybaılas jemqorlyqqa qarsy kúres sharalary talqylandy
ASTANA. 4 shilde. QazAqparat - Búgin QR Tabıǵı monopolııany retteý agenttigi tóraǵasy Murat Ospanovtyń basshylyǵymen aǵymdaǵy jyldyń І jarty jyldyǵyna arnalǵan mekeme qyzmetiniń qorytyndysy boıynsha kezekti alqa otyrysy ótti. Alqa jumysyna tóraǵa orynbasarlary, salalyq jáne aýmaqtyq departament basshylary qatysty, dep habarlady Tabıǵı monopolııalardy retteý jáne básekelestikti qorǵaý jónindegi Agenttiktiń baspasóz qyzmetinen.
Kún tártibinde tarıftik saıasatty qalyptastyrý ashyqtyǵyn qamtamasyz etý jónindegi el Prezıdenti tapsyrmalaryn oryndaý sheńberindegi ózekti máseleler qarastyryldy. Sondaı-aq, otyrysqa qatysýshylar tarıftik zańnamany jetildirý jáne sybaılas jemqorlyqqa qarsy kúres jónindegi sharalardy talqylady.
«Úkimettiń aǵymdaǵy jylǵy 24 maýsymda tarıftik saıasatty jetildirý amaldaryn maquldaýy atalǵan jumystyń qorytyndysy bolyp tabyldy», - dep atap aıtty M.Ospanov.
Alqa qorytyndysy boıynsha, M. Ospanov birqatar naqty tapsyrmalar júktedi jáne Memleket basshysy men QR Úkimeti alǵa qoıǵan tapsyrmalardy iske asyrýdyń oń nátıjelerine qol jetkizýdi iske asyrý jónindegi jumystardy jalǵastyrý qajettigin belgiledi.
