TMRA aǵymdaǵy jyldyń 8 aıynda tabıǵı monopolııa sýbektilerine 351 tekserý júrgizdi

Bul týraly búgin Úkimet otyrysynda atalǵan vedomstvonyń basshysy Murat Ospanov málim etti.

«Zańnamanyń saqtalýyn baqylaý jáne tutynýshylardyń quqyqtaryn buzýǵa jol bermeý maqsatynda agenttik tabıǵı monopolııa sýbektileriniń qyzmetine 351 tekserý júrgizdi, zańnamany buzý faktilerin joıý týraly 590 uıǵarym engizdi», - dedi ol.

Agenttik tóraǵasynyń sózine qaraǵanda, 8 mlrd. teńgeden astam aıyppul sanktsııalary salynǵan. Bul soma ótken jyldyń sáıkes kezeńindegi kórsetkishten 3 mlrd. teńgege artyq.

«Sondaı-aq tarıftik smetada qarastyrylǵan qarjynyń paıdalanylýyn baqylaý  jáne tutynýshylarǵa keltirilgen shyǵyndardy óteý maqsatynda, 2012 jyldyń qańtar aıynan bastap agenttik tabıǵı monopolııanyń 123 sýbektisine ýaqytsha ótem tarıfterin engizdi. Tutynýshylarǵa qaıtarylǵan soma shamamen 1,1 mlrd. teńgeni quraıdy», - dedi M.Ospanov.