TMD jastary elder ekonomıkasyn damytý boıynsha 100 ıdeıasyn usynady
DÝShANBE. HOVAR-QazAqparat – Bakýde 14-15 qarasha kúnderi TMD-ǵa múshe memleketter Jastar isteri jónindegi keńesiniń otyrysy ótedi, dep habarlaıdy QazAqparat «Hovar» Tájikstan ulttyq aqparat agenttigine silteme jasap.
TMD Atqarý komıtetiniń málimetine sáıkes, osy kúnderi, sondaı-aq «TMD úshin 100 ıdeıa» Halyqaralyq jastar jobasynyń aqtyq kezeńi ótedi. Jobany bastaý usynysy 2013 jyly TMD-ǵa múshe memleketter Jastar isteri jónindegi keńestiń otyrysynda jasaldy. Maqsaty – dostastyq elderiniń jastaryn ǵylymı-ınnovatsııalyq jáne áleýmetik-ekonomıkalyq salalardaǵy mindetterdi sheshýge jumyldyrý. 2014 jyldan bastap iske asyryla bastaǵan joba eki jylda bir ótkiziledi jáne eki kezeńnen turady: ulttyq (irikteý) jáne halyqaralyq (fınal). Oǵan ózderiniń avtorlyq jobalaryn usynǵan TMD elderiniń 14-35 jas aralyǵyndaǵy jas azamattary qatysa alady.
Budan bólek, qarasha aıynda TMD uıymy sheńberinde birqatar is-shara ótedi. Atap aıtqanda, 5-6 qarashada Kıshınevte (Moldova) – TMD-ǵa múshe elderdiń Ósimdikter karantıny boıynsha úılestirý keńesiniń otyrysy, 7 qarashada Tashkentte (Ózbekstan) – TMD-ǵa múshe elderdiń Qaýipsizdik jáne arnaıy qyzmetter basshylary keńesiniń otyrysy, 8-9 qarashada Dýshanbede (Tájikstan) – TMD-nyń Densaýlyq saqtaý salasyndaǵy yntymaqtastyq jónindegi keńesiniń otyrysy, 13 qarashada Shymkentte (Qazaqstan) – Standarttaý, metrologııa jáne sertıfıkattaý jónindegi halyqaralyq keńesiniń otyrysy, 14-15 qarashada Bakýde (Ázerbaıjan)– TMD-ǵa múshe elder Jastar isteri jónindegi keńesiniń otyrysy, 14-15 qarashada Bakýde «TMD úshin 100 ıdeıa» Halyqaralyq jastar jobasynyń aqtyq kezeńi ótedi.
