TMD jáne EAEO elderiniń Úkimet basshylary Sochıdegi kórmeni aralap kórdi

SOChI. QazAqparat – Qazaqstan Premer-Mınıstri Álıhan Smaıylov pen Táýelsiz memleketter dostastyǵy (TMD) jáne Eýrazııalyq ekonomıkalyq odaq (EAEO) jelisi boıynsha is-sharalarǵa qatysyp jatqan ózge elderdiń Úkimet basshylary «Eýrazııa – bizdiń úı» halyqaralyq kórmesiniń ekspozıtsııasymen tanysty. QazAqparat bul týraly QR Úkimetiniń baspasóz qyzmetine silteme jasap habarlaıdy.

Kórme Sochı qalasyndaǵy (RF) «Sırıýs» ǵylym jáne óner parkiniń aýmaǵynda ótip jatyr. Onda EAEO elderi ekonomıkalarynyń barlyq salasyndaǵy kooperatsııalyq jobalar usynylǵan.

Sharaǵa Qazaqstannan: temirjol dóńgelekterin shyǵaratyn «Prommashkomplekt» kompanııasy; aýyl sharýashylyǵy jáne mamandandyrylǵan tehnıkalar óndiretin «Qazaqstan Agro Innovatsııalyq Korporatsııasy»; bıotehnologııalyq preparattar óndiretin «Qaraǵandy farmatsevtıkalyq kesheni» qatysýda.