TMD jáne alys shet elderden kelgen 638 adam Qazaqstan azamattyǵyn alýǵa ótinish bildirdi

ASTANA. QazAqparat - TMD jáne alys shet elderden kelgen 638 adam Qazaqstan azamattyǵyn alýǵa ótinish bildirdi. Bul týraly búgin QR Prezıdenti janyndaǵy Azmattyq máseleler jónindegi komıssııanyń otyrysynda QR Memlekettik hatshysy Gúlshara Ábdiqalyqova málim etti.

«Ózderińizge belgili, halyqtyń áleýmettik ósý kórsetkishteri turǵyndardyń azamattyq alýy nemese azamattyqtan shyǵýy deńgeıimen ólshenedi. Keıingi jyldary elimizde azamattyq alýǵa nıet bildirýshilerdiń sany jyl saıyn ósip keledi»,- dedi ol.

Memlekettik hatshynyń atap ótýinshe, buǵan eń bastysy, elimizdegi turaqtylyq, áleýmettik-ekonomıkalyq damý jáne jańa jumys oryndarynyń qurylýy negiz bolyp otyr.

«Búgingi otyrysta biz 638 adamnyń ótinishin qaraıtyn bolamyz. Ótinish ıeleriniń qujattary zań talaptary sheńberinde arnaıy organdarda qaraldy. Qalyptasqan tártipke sáıkes komıssııa otyrsynyń qorytyndysy boıynsha Elbasyna usynystar engiziletin bolady»,- dedi G.Ábdiqalyqova.