TMD Úkimet basshylarynyń kelesi otyrysy Túrikmenstanda ótedi
«Túrikmenstan tarapynyń usynysymen Úkimet basshylary keńesiniń kezekti otyrysy 2019 jyldyń mamyr aıynyń sońynda Ashhabadta ótetin bolyp sheshildi. Shamamen 31 mamyrda. Delegatsııa basshylary shaǵym quramdaǵy otyrysta ashyq ahýalda TMD-nyń ekonomıkalyq ózara is-qımylynyń ózekti máseleleri boıynsha pikir almasty», - dep atap ótti TMD-nyń atqarýshy hatshysy Sergeı Lebedev.
Onyń aıtýynsha, otyrysta Dostastyqqa múshe memleketterdiń ózara is-qımylyn odan ary damytýǵa baǵyttalǵan usynystar, naqty eskertýler aıtylǵan.
«Osyǵan oraı búgin aıtylǵan barlyq bastamalar men usynystar Atqarýshy komıtet tarapynan tyńǵylyqty saralanatyn bolady. Mundaı jumys Dostastyqtyń jarǵylyq jáne salalyq organdary deńgeıinde olardy is júzinde júzege asyrý úshin sáıkesinshe qujattar daıyndaý maqsatynda júrgiziledi», - dedi ol.
Buǵan deıin habarlaǵanymyzdaı, Táýelsiz memleketter dostastyǵy Úkimet basshylary keńesiniń shaǵyn quramdaǵy otyrysy ótip, onda TMD aıasyndaǵy ekonomıkalyq ózara is-qımyldyń ózekti máselelerine qatysty pikir almasylǵan bolatyn.
Al keńeıtilgen quramdaǵy otyrysta Tájikstan Premer-Mınıstri Kohır Rasýlzada TMD-ǵa múshe memleketter arasyndaǵy saýda-sattyq kedergilerin joıý baǵytyndaǵy jumystarǵa toqtaldy.
