TMD Úkimet basshylary keńesiniń kelesi otyrysy Sochıde ótedi

ASTANA. QazAqparat – Táýelsiz Memleketter Dostastyǵyna múshe memleketter Úkimet basshylary keńesiniń kezekti otyrysy 2023 jyly Sochıde ótedi. Bul týraly atalǵan otyrystan keıingi brıfıngide QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«TMD Úkimet basshylary keńesiniń kezekti otyrysyn 2023 jyldyń maýsym aıynda Sochı qalasynda ótkizý týraly sheshim qabyldandy», - dedi Á. Smaıylov.

Sonymen qatar búgingi jıynda TMD elderiniń oıyndary 2023 jyly Belarýs Respýblıkasynda ótetini naqtylandy.

Budan bólek, qoǵamdyq densaýlyq saqtaý salasyndaǵy sanıtarlyq-epıdemıologııalyq sıpattaǵy tótenshe jaǵdaılar týraly eskertý jáne olarǵa den qoıý jónindegi yntymaqtastyq týraly kelisim qabyldandy.