TMD terrorızm jáne ekstremızmmen kúresý jónindegi yntymaqtastyq baǵdarlamasyn qabyldady

ASTANA. KAZINFORM – TMD terrorızm jáne ekstremızmmen kúresý jónindegi yntymaqtastyq baǵdarlamasyn qabyldady. 

Baǵdarlamanyń maqsaty – memleketterdiń, jarǵylyq organdardyń jáne TMD-nyń salalyq yntymaqtastyq organdarynyń osy saladaǵy aýyzbirshiligin odan ári jetildirý. Bul is-sharalarǵa terrorızm men ekstremızmge qarsy kúreste halyqaralyq-quqyqtyq bazany damytý jáne yntymaqtastyqty nyǵaıtý, terrorıstik jáne ekstremıstik qylmystardyń aldyn alýǵa, anyqtaýǵa, kúresýge jáne tergeýge baǵyttalǵan birlesken is-sharalardy daıyndaý jáne ótkizý kiredi. Sondaı-aq TMD-ǵa qatysýshy memleketterdiń osy saladaǵy qyzmetin aqparattyq, taldamalyq jáne ǵylymı qamtamasyz etý, quzyretti organdardyń kadrlyq áleýetin damytý da jatady. 

Aqparattyq qamtamasyz etýdi kúsheıtý úshin Terrorızmge qarsy ortalyqtyń Mamandandyrylǵan derekter bazasyn damytý jáne taldamalyq materıaldarmen almasýdy keńeıtý josparlandy. Terrorızm men ekstremızmge qarsy is-qımyldyń ózekti máseleleri boıynsha ǵylymı-zertteý jáne uıymdastyrýshylyq is-sharalar jalǵasady, bilim berý jáne kadrlardy damytýdyń keshendi baǵdarlamasyn ázirleý bastalady. 

Bul sharalar TMD elderinde terrorızm men ekstremızmge qarsy kúrestiń tıimdiligin arttyrýǵa jáne aımaqtyq qaýipsizdikti qamtamasyz etýge baǵyttalǵan. 

Buǵan deıin Qazaqstan prezıdenti Qasym-Jomart Toqaev TMD Memleket basshylary keńesiniń otyrysynda TMD aıasynda Kreatıvti ındýstrııa qaýymdastyǵyn qurý bastamasyn kótergenin jazǵanbyz.