TMD syrtqy ister mınıstrleri keńesiniń kezekti otyrysy 2016 jyldyń kókteminde Máskeýde ótedi
ASTANA. QazAqparat - TMD syrtqy ister mınıstrleri keńesiniń kezekti otyrysy 2016 jyly sáýirde Máskeýde ótedi. Bul týraly búgin Astanada TMD syrtqy ister mınıstrleri keńesiniń otyrysynda TMD-nyń atqarýshy hatshysy Sergeı Lebedev málim etti.
«TMD syrtqy ister mınıstrleri keńesiniń kezekti otyrysyn ótkizý týraly sheshim qabyldandy. Ol jalpy ýaǵdalastyqqa sáıkes 2016 jyldyń 8 sáýirinde Máskeýde ótedi», - dedi ol.
Aıta keteıik, Astanadaǵy otyrystyń qorytyndysy boıynsha syrtqy ister mınıstrleri BUU-nyń qurylýynyń 70 jyldyǵyna baılanysty TMD memleket basshylary málimdemesiniń jobasyn, sondaı-aq halyqaralyq lańkestikpen kúres týraly málimdemeniń, TMD memleket basshylarynyń Chernobyl AES-tegi apattyń oryn alýyna 30 jyl tolýyna qatysty úndeýi jobalaryn jáne basqa da birqatar qujattardyń jobasyn maquldady.
