TMD SІMK zamanaýı syn-qaterlerge qarsy is-áreket máselelerin qaraıdy

BІShKEK. QazAqparat - 16 qyrkúıekte Bishkekte TMD memleketteri basshylary Keńesiniń mereıtoılyq otyrysy ótedi, dep habarlady TMD Atqarýshy komıtetiniń baspasóz qyzmeti.

Otyrys tústen keıin «Ala-Archa» memlekettik rezıdentsııasynda ótedi. Bul kúni TMD syrtqy ister mınıstrleri Keńesiniń otyrysy ótedi.

Memleket basshylary keńesiniń otyrystary  Prezıdent A. Atambaevtyń tóraǵalyǵymen shaǵyn jáne keń formatta ótedi dep josparlanýda.

Memleketter basshylary tikeleı talqylaýǵa alty másele shyǵarylmaq, onyń ishinde TMD 25-jyldyǵyna baılanysty jalpy málimdeme, TMD-nyń kelesi tóraǵalyǵy, TMD memleketteri basshylary Keńesiniń kezekti otyrysyn ótkizý orny týraly sheshim qabyldanyp, TMD-nyń jańa syn-qaterlerge beıimdelýi týraly máseleler qaralady.

Keń formattaǵy otyrysta TMD memleketterinde 2020  jyly halyq sanaǵyn júrgizý, 2017 jyldy - Otbasy jyly, 2018 jyldy - TMD-daǵy mádenıet jyly dep jarııalaý týraly eki másele talqylanady.

Talqylaýsyz, memleket basshylarynyń qol qoıýyna 14 qujat shyǵarylady. Olardyń ishinde halyqaralyq terrorızmge qarsy is-qımyl, álemdik esirtki problemasy, aqparattyq tehnologııalardy paıdalana otyryp, jasalǵan qylmystarmen kúreste yntymaqtastyq  týraly TMD memleketteri basshylarynyń málimdemesi bar.