TMD sheńberindegi qylmystyq kiristerdi zańdastyrý men terrorızmdi qarjylandyrýǵa qarsy sharalarǵa arnalǵan zań qabyldandy
ASTANA. 3 naýryz. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «Táýelsiz Memleketter Dostastyǵyna qatysýshy memleketterdiń qylmystyq kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyly týraly shartty ratıfıkatsııalaý týraly» zańy qabyldandy. Qujat memleket basshysynyń qol qoıýyna joldanady.
Atalǵan sharttyń maqsaty qylmystyq kiristerdi zańdastyrýǵa jáne terrorızmdi qarjylandyrýǵa qarsy is-qımyldyń quqyqtyq negizin jetildirý jáne osy salada yntymaqtasý bolyp tabylady. Shartqa qol qoıǵan memleketterdiń yntymaqtastyǵynyń negizgi baǵyttary men nysandary aıqyndalady. «Búgingi kúni Qazaqstannan basqa qujatqa qol qoıǵan biraq ratıfıkatsııalamaǵan memleket Tájikstan bolyp tabylady. Óıtkeni, Tájikstannyń qarjy barlaý bólimi tek byltyr ǵana quryldy. Shart boıynsha ulttyq zańnamalardy úılestirý, quqyqtyq kómekter kórsetý, sondaı-aq terrorızmdi qarjylandyrý úshin qarajat beretin qylmystarǵa tyıym salý, qamaý, tirkeýlerdi júzege asyrý jáne jedel izdestirý sharalary qarastyrylyp otyr. Qujattyń basty mańyzynyń biri kiristerdi jylystatý men terrorızmdi qarjylandyrýǵa qarsy kúres salasynda aqparat almasý bolyp tabylady», - dedi zań jóninde baıandama jasaǵan Qarjy mınıstri Bolat Jámishev. Shart 2007 jylǵy 5 qazanda Dýshanbede jasalǵan.
Parlament qabyldaǵan zań Memleket basshysynyń qol qoıýyna jiberiledi.
