TMD shekaralarynda 13 myńnan astam tártip buzýshy ustaldy

ALMATY. KAZINFORM — TMD Dostastyǵyna kiretin elderdiń 2021-2025 jyldarǵa arnalǵan syrtqy shekara qaýipsizdigin nyǵaıtý jónindegi yntymaqtastyq baǵdarlamasynyń alǵashqy qorytyndysy shyǵaryldy.

Shekara áskerleri qolbasshylary keńesiniń úılestirý qyzmetiniń tóraǵasy Aleksandr Manılovtyń aıtýynsha, bıyl TMD-ǵa qatysýshy memleketterdiń shekara qaýipsizdigin nyǵaıtýdaǵy 2021-2025 jyldarǵa arnalǵan yntymaqtastyq baǵdarlamasy aıaqtalady.

— Qazir josparlanǵan is-sharalardyń 90 paıyzdan astamy oryndaldy. Olardyń kópshiligi praktıkalyq sıpatta. Máselen, birlesken segiz arnaıy shekaralyq operatsııa barysynda 13 myńnan astam memlekettik shekara zańnamasyn buzýshy, terrorıstik-ekstremıstik áreketke qatysy bar 230 tulǵa, izdeýde júrgen 400-den astam azamat ustalyp, 800 kelige jýyq esirtki zattary tárkilendi, — deıdi ol.

Aıtýynsha Dostastyqqa kiretin árbir memlekettiń qaýipsizdigi onyń shekarasynan bastalady. Eń aldymen terrorızmge, zańsyz kóshi-qonǵa, esirtkige jáne uıymdasqan qylmysqa eń birinshi barlyq shekarashy tap bolady.

— Qolbasshylar keńesi 2030 jylǵa deıingi orta merzimdi kezeńge arnalǵan jańa baǵdarlamanyń jobasyn ázirledi. Usynylǵan baǵdarlama jobasy halyqaralyq quqyq qaǵıdattary men jalpy alǵanda halyqaralyq quqyq qaǵıdattary men túıindi qujattarmen kelisilgen, sondaı-aq TMD elderiniń halyqaralyq qaǵıdattary men úılesimdiligi negizinde jasalǵan, — dedi ol.

Aleksandr Manılov ony daıyndaý kezinde syrtqy shekaralardaǵy jaǵdaıdyń damýyn taldaý men boljamdardyń nátıjeleri, sondaı-aq aldyńǵy baǵdarlamanyń qortyndysy eskerilgenin tilge tıek etti.

Qujatta 70-ten astam praktıkalyq shara bar.

Buǵan deıin Almatyda Táýelsiz Memleketter Dostastyǵy Syrtqy ister mınıstrleri keńesiniń otyrysy ótip jatqany týraly jazǵan edik. 

Aıta keteıik, kúzde TMD elderi SІM keńesiniń kelesi otyrysy Dýshanbede ótedi.