TMD Parlamenttik Assambleıasy 600-den astam qujatty ázirlep, qabyldady – Máýlen Áshimbaev

ALMATY. QazAqparat – TMD Parlamenttik Assambleıasy ulttyq zańnamalardy jetildirýge úlken úles qosyp keledi. Bul týraly QR Parlamenti Senatynyń Tóraǵasy Máýlen Áshimbaev Almatyda ótip jatqan TMD elderi Parlamentaralyq Assambleıasy Keńesiniń mereıtoılyq otyrysynda atap ótti, dep habarlaıdy QazAqparat tilshisi.

Senat spıkeriniń aıtýynsha, búginge deıin Assambleıa 600-den astam modeldi zań men basqa da qujattardy ázirlep, qabyldady. TMD elderiniń Parlamentteri olardy óz memleketteriniń quqyqtyq bazasyn qalyptastyrý kezinde belsendi paıdalandy.

«Assambleıa aıasynda halyqaralyq konferentsııalar men forýmdar turaqty túrde ótip keledi. Ondaı aýqymdy jıyndarda kóshi-qon, ekologııa, terrorızm jáne ekstremızmmen kúres salalary, sondaı-aq basqa da mańyzdy baǵyttar boıynsha birlesken sharalar talqylanyp, ázirlenedi. Sondyqtan qazirgi tańda TMD Parlamentaralyq Assambleıasyn eń tıimdi parlamentaralyq birlestikterdiń biri dep esepteımiz», – dedi Senat Tóraǵasy.