TMD parlamentarıi ekologııalyq zańdardy maquldady

SAMARQAND. QazAqparat - Samarqandta TMD Parlamentaralyq Assambleıasynyń kúzgi sessııasy aıasynda TMD PAA Agrarlyq saıasat, tabıǵı resýrstar jáne ekologııa jónindegi turaqty komıssııasynyń otyrysy ótti, dep habarlaıdy QazAqparat menshikti tilshisi.

Komıssııa otyrysynda «Ekologııalyq qaýipsizdik týraly», «Ekologııalyq aqparatqa qoljetimdilik týraly», «Óndiris jáne tutyný qaldyqtary týraly», «Erekshe qorǵalatyn tabıǵı aýmaqtar týraly», «Ekologııalyq qorlar týraly» jáne «Qorshaǵan ortany qorǵaý qorlary týraly» úlgilik zańdardyń jańa redaktsııadaǵy jobalary talqylandy.

Komıssııa músheleri TMD PAA janynan Ekologııa jáne tabıǵatty paıdalaný jónindegi sarapshylyq keńes qurý týraly usynysty da qoldady. Saraptamalyq keńes TMD PAA tıisti turaqty komıssııalarynyń qaraýyna zań jobalaý qyzmetiniń basym baǵyttary boıynsha usynystar engizedi, ázirlenip jatqan qujattarǵa saraptama júrgizedi, Keńes pen Assambleıanyń tıisti turaqty komıssııalary úshin saraptamalyq materıaldar daıyndaıdy.

Sondaı-aq, zań shyǵarýshylar 2023 jyldyń kúzinde ótkiziletin «Taýly aýmaqtardy ornyqty damytý» halyqaralyq forýmynyń daıyndyq barysyn talqylady. Onyń maqsaty-yntymaqtastyqty damytýǵa, taýly aýmaqtardy ornyqty damytý salasyndaǵy oń álemdik tájirıbeni biriktirýge yqpal etý.