TMD PAA-dan halyqaralyq qadaǵalaýshylar Ýkraınanyń Joǵarǵy Radasyna qosymsha saılaýdy qadaǵalamaq

SANKT-PETERBOR. 17 jeltoqsan. QazAqparat - TMD PAA halyqaralyq qadaǵalaýshylar toby Ýkraınanyń Joǵarǵy Radasy depýtattaryn saılaýǵa daıyndyq jumystaryn qadaǵalaý úshin Kıevke ushyp ketti.

Bul úrdisti qadaǵalaýǵa TMD PAA-ny Ýkraına Joǵarǵy Radasynyń tóraǵasy Vladımır Rybak shaqyrǵan bolatyn. Bul týraly TMD PAA baspasóz qyzmeti aqparattandyrdy.

Top quramynda - TMD-ǵa qatysýshy-memleketter parlamentteriniń ókilderi, sondaı-aq, Halyqaralyq demokratııanyń, parlamentarızmniń damýyn jáne TMD PAA qatysýshy-memleketter azamattarynyń saılaý quqyqtaryn saqtalýyn baqylaý ınstıtýty bar.

Qadaǵalaýshylar Ýkraınanyń Nıkolaevsk, Kıev, Cherkassk oblystarynda jáne Kıevte jumys isteıtin bolady.

«Biz saılaý ýchaskeleriniń ashylýyna qatysatyn bolamyz jáne saılaý ótip jatqan bes óńirdiń barlyǵyndaǵy daýys berý barysyn qadaǵalaýdy josparlaýdamyz», - dep atap aıtty TMD PAA atynan halyqaralyq qadaǵalaýshy retinde sóz sóılegen TMD, eýrazııalyq ıntegratsııa jáne otandastarmen baılanys isteri jónindegi Reseı Federatsııasy Federaldyq jıyny Memlekettik dýmasy komıteti tóraǵasynyń birinshi orynbasary Oleg Lebedev.

Eske sala keteıik, 2013 jylǵy 5 qyrkúıekte Ýkraına Joǵarǵy Radasy bes majorıtarlyq óńirde depýtattardy qaıta saılaýdy jeltoqsan aıyna belgiledi.