TMD oıyndary bir jylǵa shegerildi
NUR-SULTAN. QazAqparat - TMD elderi arasynda alǵash ret ótkizilýi tıis TMD oıyndary 2020 jyldan 2021 jylǵa shegerildi, dep habarlaıdy QazAqparat Olympic.kz silteme jasap.
Koronavırýs indetine baılanysty uıymdastyrýshylar osyndaı sheshim qabyldaǵan. TMD oıyndary bastapqyda Reseıdiń Qazan qalasynda 20-27 tamyz kúnderi ótedi dep josprarlanǵan. Alaıda, oıyndar koronavırýs pandemııasyna baılanysty qyrkúıekke aýystyryldy. Atalǵan oıynǵa 14-ten 23 jasqa deıingi sportshylar 21 sport túrinen 284 júlde jıyntyǵyn sarapqa salady delingen.
Uıymdastyrýshylardyń boljaýynsha, 11 elden, atap aıtqanda, Ázerbaıjan, Armenııa, Belarýs, Moldova, Qazaqstan, Qyrǵyzstan, Reseı, Tájikistan, Túrikmenstan, Ózbekstan jáne Ýkraınadan 3500-ge jýyq sportshy qatysý kerek edi.
