TMD-nyń Turaqty ókilderi Mınskide bas qosady

ASTANA. QazAqparat - 17 shilde kúni Mınskidegi TMD-nyń shtab-páterinde Dostastyqtyń jarǵylyq jáne basqa organdary janyndaǵy TMD-ǵa múshe elderdiń Turaqty ókiletti ókilderi keńesiniń kezekti otyrysy ótedi. Bul týraly QazAqparat TMD-nyń Atqarýshy komıtetine silteme jasap habarlaıdy.

Otyrys barysynda TMD Syrtqy ister mınıstrleri keńesiniń jáne Memleketter basshylary keńesiniń kezekti otyrystarynyń kúntártibi jobalaryna qatysty máselelerdi, sondaı-aq TMD Memleketter basshylary keńesiniń kezekti otyrysynyń kúntártibi jobasyna usynystardy qaraý kózdelýde.

Onymen qosa, turaqty ókilder 2017 jyldyń 11 qazanynda TMD Memleketter basshylarynyń keńesinde, 3 qarashasynda Úkimet basshylarynyń keńesinde, 10 qazanynda Syrtqy ister mınıstrleri keńesinde qabyldanǵan sheshimderden týyndaıtyn TMD-nyń Atqarýshy komıteti men Turaqty ókilderi keńesiniń Birlesken is-sharalar josparynyń oryndalý barysyn talqylaıdy.