TMD-nyń atqarý komıtetinde 2014 jyldaǵy alǵashqy otyrys bastaldy

SANKT-PETERBOR. 16 qańtar. QazAqparat - TMD-nyń atqarýshy komıtetinde 15-16 qańtar kúnderi Táýelsiz Memleketter Dostastyǵyna múshe elderdiń Yntymaqtastyq týraly kelisimine ózgerister engizý týraly Hattama jobasyna baılanysty kelisim júrgizýde kámelettik jasqa tolmaǵandardy turaqty mekenjaıy boıynsha turatyn memleketke qaıtarý máselesi boıynsha sarapshy toptyń otyrysy ótýde.

TMD Atqarý komıtetiniń baspasóz qyzmetinen habarlaǵandaı, qazirgi ýaqytta kelisimde TMD elderiniń quzyretti organdary suranys negizinde bir-birine ata-ana qamqorlyǵynsyz qalǵan kámelettik jasqa tolmaǵandardy turaqty mekenjaıy boıynsha memleketke qaıtarýda jáne izdeý salýda kómektesýi kerektigi kórsetilgen.

Sondaı-aq qujatta turaqty mekenjaıy boıynsha turý úshin memleketke qaıtarylǵan kámelettik jasqa tolmaǵandardy jiberý talaptary, olardy tasymaldaý men qajettilikteri úshin jumsalatyn shyǵyndardy bólý tártibi, sonymen birge, quzyretti organdardyń kámelettik jasqa tolmaǵandardy memleketke qaıtarýda mamandandyrylǵan mekemeler men jasóspirimderdi alyp júrýshi adamdarǵa kómek kórsetýin mindetteıtin ereje bekitilgen.