TMD: Nur-Sultan men Almaty vırtýaldy saıahat jasaýǵa bolatyn úzdik ondyqta

NUR-SULTAN. QazAqparat – TýrStat týrıstik portaly TMD-daǵy vırtýaldy týrlarǵa (qalanyń kórikti jerleri men mýzeılerine vırtýaldy ekskýrsııa jasaý) yńǵaıly úzdik qalalardyń ondyǵyn jarııalady, dep habarlaıdy QazAqparat tilshisi.

«Vırtýaldy týrlar men ınternet-saıahattar boıynsha TMD-daǵy qalalar ishinde alǵashqy úshtikte - Mınsk, Almaty jáne Tashkent tur. Bul rette TMD-daǵy úzdik qalalardyń ondyǵyna Belarýstegi Mınsk pen Vıtebsk, Qazaqstandaǵy Nur-Sultan men Almaty qalalary, Ózbekstandaǵy Tashkent, Qyrǵyz Respýblıkasyndaǵy Bishkek, Ázerbaıjandaǵy Baký, Armenııadaǵy Erevan, Moldavadaǵy Kıshınev pen Tájikstandaǵy Dýshanbe kiredi», - dep habarlaıdy TýrStat agenttiginen.

Reıtıng vırtýaldy týrlar boıynsha usynystar men izdeý júıelerindegi qalalalardyń ekskýrsııalarynyń sanyn zertteý nátıjesi boıynsha jasalǵan.