TMD men Baltyq elderiniń UOK ókilderi olımpııalyqtardy daıyndaý máselelerin talqylaıdy
ASTANA. 11 qarasha. QazAqparat - Búgin Erevanda 2012 jáne 2014 jyldarǵa arnalǵan Olımpıadaǵa sportshylar daıyndaý máseleleri talqylanatyn TMD men Baltyqtyń 11 eliniń Ulttyq Olımpıada komıtetteriniń (UOK) forýmy ótedi, dep habarlaıdy Armenııa UOK baspasóz qyzmeti.
RIA Novostı habarlaǵandaı, forým aıasynda 2012 jylǵy Londondaǵy jazǵy Olımpıada oıyndarynyń jáne Sochıdegi 2014 jylǵy qysqy Olımpıada oıyndarynyń prezentatsııalary usynylatyn bolady.
Mamandar sportshylardyń medıtsınalyq daıyndyǵy men ulttyq dopıngke qarsy baǵdarlamalary týraly baıandamalaryn usynady.
Forým aıasynda 13 qarashada Aleksandr Spendıarıan atyndaǵy Ulttyq akademııalyq opera jáne balet teatrynda Armenııa UOK 20 jyldyǵyna arnalǵan saltanatty shara uıymdastyrylady.
